मराठा क्रांती मोर्चाचे जोडे मारो आंदोलन

पुंडलिकनगर येथे ‘आज के शिवाजी -नरेंद्र मोदी’ या पुस्तकाचा तीव्र निषेध करून मराठा क्रांती मोर्चा तर्फे जोडे मारो आंदोलन करण्यात आले. छत्रपती शिवाजी महाराज यांची तुलना कोणाशी होऊ शकत नाही. महाराजांची पंतप्रधान नरेंद्र  मोदी यांच्यासाेबत तुलना करून अवमान करतण्यात आल्याचा आरोप यावेळी करण्यात आला. छत्रपती शिवाजी महाराजांच्या व्यक्तीमत्वाची कोणी बरोबरी करू शकत नाही. या पुस्तकाच्या माध्यमातून खोडसळपणा करून समस्त शिवप्रेमींच्या भावना दुखावण्यात आल्या आहेत. या माध्यमातून अपमान करणे आणि समाजात दुफळी निर्माण करण्याचा प्रयत्न केला जात आहे. या प्रकरणामागे राजकारण असून याची चौकशी झाली पाहिजे.